Rådmannstillinga er ei åremålsstilling med periodar på seks år. Kommunestyret avgjorde 7. mai at Steinar Dalland ikkje vil få forlenga stilling som rådmann. Steinar har vore i stillinga i to åremålsperiodar, og inneværande åremålsperiode går til mai 2025.
For å sikra stabilitet i drifta har rådmannen oppmoda ordførar om å setja i gang prosess for snarleg utlysing av stillinga som rådmann. Det er viktig at kommunen har ein leiar som har høve til å sjå i lengre perspektiv enn eitt år, ikkje minst i ljos av at det nok ligg litt krevjande tider føre oss.
Steinar informerer om at han har vore i prosess på stilling som rådmann i Fitjar kommune. Dette skal endeleg avgjerast i kommunestyret i Fitjar 21. mai. Innstilling i saka om tilsetjing her vert truleg gjort kjent før helga.
Ny rådmann vert tilsett av kommunestyret.